Baba Issahak performs “N Sabi N Sabili Ŋo.”
You can also find historical context, super cool inline audio player, and Dagbanli Ajami, a Dagbanli Roman transliteration, and an English translation of the texts of”N Sabi N Sabili Ŋo” on this site.
Tamale, Ghana. 18 January, 2019
“N Sabi N Sabili Ŋo” Dagbanli text, Roman characters
N sabi n sabili ŋɔ m mabihi wummiya, Lahibali sheŋa tini daa zina Nageria
Ghana zuɣ’lana Doktor Kwame Osajefu, Duna n pii ti niriba anahi n tahi Nageria
Yahaya Iddi, Mumuni Iddi, Mahamadu Gba, Bɛ zaasa daa chaŋya ti baŋ Nageria
Yuusifu so ŋun sabi ŋɔ gba daa Pahiya chaŋ, Ti zaasa daa yiɣimi chaŋ Nageria
Ti chaaji mini ti saɣ’dira gomnati daa yo, Ti zaasa so laɣ’pia daabi yi Nageria
Tin paai ni oyiko loori ka gomna daa yihi titi, Ka ti kperi gɔritiyubu biɛɣ’kam Nageria
Paɣ’ba ni bihi zaa daa yina n doli pala, N niŋdi suhi pɛlli bɛ daa Nageria
Nageria gomna daa tibigiti pam, Maŋdeebu dalimaa kamna ti nya Nageria
Yɔribanima, Ibonima, ni Gbengberi, Jikurinima, Baribarinima, Nageria
Ti zuɣ’lana Umar Igala daa beni, Bani n daa be tooni ka ti doli Nageria
Ti zuɣu lana zaɣ’yino Kojo Boteo, Bani na daa be tooni ka ti dolo ?? Nageria
Ti zuɣulana Kumahi Nakɔhi-naa daa bɛni, Alhaji Tanko m-maliti gori Nageria
Nyaɣisim ni suhu piɛlli daa ka buɣusibu, Ti nini nyɛya ninvuɣ’suma Nageria
Amaa ti Ghana ŋɔ ti gaŋdu tinsini, Ghana nyɛla gandɔɣu bia ni doobia
Tingbani mi nyaɣisim chelli ti ti Ghana ŋɔ, Tingbani mi zoobu chelli ti Nageria
Ti daa bi nyɛ dahama gonchaŋ tinsi pam, Amaa ti daa chaŋ tinkara Nageria
Tinini nyɛya ninvaɣusuma ka bɛ puhi ti pam, Ka naan yi yari Ghana yi sɔŋ Nageria
Sa’a Ahmadu Bello bi zaa daa beni, Yi zaa sa pun wumdi o yuli Nageria
Zuɣ’lana Abubakari Tafa ogba daa beni, Yi zaa sa pun wumdi o yuli Nageria
Namdi Ojuku Kiwa Bikira o daa beni, Yi zaa sa pun wumdi o yuli Nageria
Doo da ka nyabu maŋdeebu dalimaa hai mira, Baŋsim lana sokam mi o Nageria
Kifa Abaafu Awal daa beni, Yi zaa sa pun wumdi o yuli Nageria
Maalam Aminu [Sarkin muslimin] Kano-naa gba o daa beni, Yi zaa sa pun wumdi o yuli Nageria
Salchi Muslim mini Kano-naa daa beni, Kaduuna-naa ni Baribari ni Zaaria
Afanima, Baŋdikaɣ’la bi zaa da beni, Baŋdikara bizaa bɛ be Nageria