“N Sabi N Sabili Ŋo” with Inline Audio

Performed by Baba Issahak Yusif

N sabi n sabili ŋɔ m mabihi wummiya, Lahibali sheŋa tini daa zina Nageria
Ghana zuɣ’lana Doktor Kwame Osajefu Duna n pii ti niriba anahi n tahi Nageria
Yahaya Iddi, Mumuni Iddi, Mahamadu Gba, Bɛ zaasa daa chaŋya ti baŋ Nageria
Yuusifu so ŋun sabi ŋɔ gba daa Pahiya chaŋ, Ti zaasa daa yiɣimi chaŋ Nageria
Ti chaaji mini ti laɣ’dira gom din daa yo, Ti zaasa so laɣ’pia daabi yi Nageria
Tin paai ni oyiko loori ka gomna daa yihi titi, Ka ti kperi gɔra biɛɣ’kam tiyubu Nageria
Paɣ’ba ni bihi zaa daa yina n doli pala, N niŋdi suhi pɛlli bɛ di Nageria
Nageria gomda wa daa tibigiti pam, Maŋdeebu dalimaa kamna ti nya Nageria
Yɔribanima, Ibonima, ni Gbengberi, Jikurinima, Baribarinima, Nageria
Ti zuɣ’lana Umar Igala daa beni, Bani n daa be tooni ka ti dolo Nageria
Ti zuɣ’lana zaɣ’yino Kojo Boteo, Bani na daa be tooni ka ti dolo gɔri Nageria
Ti zuɣ’lana Kumahi Nakɔhi-naa daa bɛni, Alhaji Tanko m-maliti gɔri Nageria
Nyaɣisim ni suhu piɛlli daa ka buɣusibu, Ti nini nyɛya ninvuɣ’suma Nageria
Amaa ti Ghana ŋɔ ti gaŋdu tinsini, Ghana nyɛla gandɔɣu bia ni doobia
Tingbani mi nyaɣisim chelli ti ti Ghana ŋɔ, Tingbani mi zoobu chelli ti Nageria
Ti daa bi nyɛ dahama n-gonchaŋ tinsi pam, Amaa ti daa chaŋ tinkara Nageria
Tinini nyɛya ninvuɣ’suma ka bɛ puhi ti pam, Ka bɛ naa yɛra Ghana yi sɔŋ Nageria
Sa’a Ahmadu Bello bɛ zaa sa daa beni, Yi zaa sa pun wumdi o yuli Nageria
Zuɣ’lana Abubakari Tafa ogba daa beni, Yi zaa sa pun wumdi o yuli Nageria
Namdi Ojuku Kiwa Bikira o daa beni, Yi zaa sa pun wumdi o yuli Nageria
Doo da ka nyabu maŋdeebu dalimaa hai mira, Baŋsim lana sokam mi o Nageria
Kifa Abaafu Awalawal beni, Yi zaa sa pun wumdi o yuli Nageria
Maalam Aminu Kano-naa o daa beni, Yi zaa sa pun wumdi o yuli Nageria
Salchi Muslimi mini Kano-naa daa beni, Kaduuna-naa ni Baribari ni Zaaria
Afanima, Baŋdikaɣ’la bi zaa da beni, Baŋdikara bizaa bɛ be Nageria